Na omna peuh panin Lailui khua piang mikhat na hihna angtan pih in.
Lailui gam sung kizang in leitungbup a ki hopih ziahziah ahi hi.
Mi hau, Mi lian, Mi pil cihte a kipan mi thupi khempeuh in
Lailui khua min a lawhloh hong phamawh ta hi.
Bang hang hiam cih leh Lailui gam sung bek panin Leitung bup
Phone tawh ki hopih thei ahih man hi.
Tua banga na Khua, na Gam ii a thupitna tawh kizui-in
Mi namdangte lak ah zong Lailui mi na hihna
A hoih lam in kilang khia sak in.
Nang hangin midangte in pilna a ngahna ding leh
Nang hangin midangte in thupha a ngahna dingin
Na omna peuh panin leitungbup huam in thu ngaihsun in.
Na omna taih inn khan khat sungbek aa dingin,
No innkuan sung bek aa dingin,
Nangkia bek aa dingin, thu a ngaihsun kiukiau bek hilo-in
Nang hangin mipi-in bang phat tuamna ngah ding cih
Na omna peuh panin itna, thukhualna leh deihsak na tawh
Na masuan zomden in.
Na teen na khua leh leitang in leitungbup aa dingin nasep na neita hi.
Nang ee leh!
Deihsakna tawh
Hau Khan Langh
Sakollam Ward, Tedim
No comments:
Post a Comment